Messi: «Ronaldu bilen bäsdeşlik özboluşlydy, bu hemişe şeýleligine-de galar»

«Barselonanyň» hüjümçisi Lionel Messi Kriştianu Ronaldu bilen bäsdeşligiň oňa özboluşly bolmaga kömek edendigini düşündirdi.
Ýatlap geçsek, Ronaldu «Realyň» düzüminde çykyş eden wagty Ispaniýanyň çempionatynda Messi bilen bäsdeşlik ederdiler.
— Bu elmydama saklanyp galjak özboluşly bäsdeşlik bolupdy — diýip, Messi DAZN bilen gürrüňinde aýdýar. — Kesgitli bir derejede uzak wagtlap saklanmak aňsat däl. Biz örän köp zady talap edýän toparlarda, ýagny «Real» we «Barselona» toparlarynda oýnadyk. Bular dünýädäki iň gowy toparlar.
— Biz köp ýyllap deň hereket etdik we meniň pikirimçe, bu hemişe şeýle bolar. Şahsy derejede bu örän ýakymly bäsdeşlik bolupdy. Pikir edişim boýunça, adamlara-da olaryň kimi goldaýandygyna garamazdan, muňa gözegçilik etmek gyzykly bolandyr. Haçan-da Kriştianu «Realyň» düzüminde oýnan wagtynda biziň duşuşyklarymyz hemişe üýtgeşik bolardy. Indi bolsa ol döwürler geçdi, biziň tejribämiz artdy we bize diňe «öňe seredäýmek» gerek.
«Altyn pökgä» 2008-nji ýyldan 2017-nji ýyllar aralygynda Messi we Ronaldudan özgesi eýe bolmandy. 2019-njy ýylda argentinaly hüjümçi bu abraýly indiwidual baýragy altynjy gezek aldy.
Ronaldu 2018-nji ýylda 112 mln ýewro transfer tölegi bilen «Realdan» «Ýuwentusa» geçdi.