Köp ýyllardan bäri smartfonlary öndürijiler öz smartfonlarynyň ekranynyň hilini kämilleşdirmäge çalyşýarlar, bu ýyl hem şu ugur dowam eder. Kompaniýalar smartfonlaryna bäsdeşleriň arasynda tapawutlanmaga mümkinçilik berjek täze usullary gözleýärler.
Oppo öz smartfonlary üçin täze görnüşli displeýleri döretmäge kömek edýän belli kompaniýa bolan Pixelworks bilen hyzmatdaşlyk edýändigini habar berdi. Oppo «Pixelworks-yň esasy tehnologiýalary arkaly displeýleri ýokary derejede täzelemek bilen has hem kämilleşdirmek» isleýär. Muny kompaniýanyň toplumlaýyn üpjünçilik boýunça wise-prezidenti Jeýms Wan aýdýar.
Täze Oppo smartfonlarynyň displeýi özüniň reňk berijileriniň hili, aýdyňlygy we şekilleri täzeleme ýygylygy boýunça häzirki ekranlardan üstün çykar. Oppo-nyň wise-prezidenti smartfonlaryň senagatynda bu displeýleriň wizual hile täze standart berjekdigini hem sözüne goşdy. Pixelworks tehnologiýalarynyň öň ulanyjylar we synçylar tarapyndan öwgä mynasyp bolan Nokia 7.2 smartfonlarynyň ekranynda ulanylandygyny hem bellemek gerek. Oppo we Pixelworks täze ekranly ilkinji smartfonlary ýetip gelen ýylyň eýýäm birinji ýarymynda çykarmaklygy meýilleşdirýärler.
Oppo smartfonlary «Pixelworks-yň» täze nesliniň displeýine eýe bolarlar
- 15.01.2020 20:03
- 2.1k+
