«Barselonada» tälimçiler ştaby üýtgedildi. Işden çykarylan Ernesto Walwerdeniň deregine topara «Betisiň» ozalky halypasy Kike Setýen ýolbaşçylyk eder.
55 ýaşly Walwerde katalon klubuna 2017-nji ýylyň maýyndan bäri ýolbaşçylyk edýärdi, onuň ýolbaşçylygynda topar Ispaniýanyň çempionatynda iki gezek ýeňiş gazandy, ýurduň Kubogyny we Superkubogyny aldy.
Ispan HBS-i toparyň täze halypasynyň «gyzyllaryň» lideri Lionel Messi bilen ilkinji gezek duşuşanda başdan geçiren reaksiýasyny ýatlap geçdi.
— Bir gezek Gwardiolanyň çakylygy boýunça gelenimde, maňa Messini türgenleşik wagtynda daşdan synlamak mümkinçiligi döredi. Men onuň ýanyna baryp futbol bilen meşgullanmagyny 60 ýaşa çenli, juda bolmasa, aradan çykýança dowam etdirmegini haýyş etdim – diýip, El Pais-e beren interwýusynda Setýen belleýär.
61 ýaşly Setýen bilen resmi şertnama gol çekildi. Şertnama 2022-nji ýylyň 30-njy iýunyna çenli niýetlenilen.
«Barselonada» tälimçiler ştaby üýtgedildi
- 14.01.2020 23:27
- 3.2k+
