Geely kompaniýasy özüniň täze üç hatarly Geely HaoYue krossoweriniň ilkinji resmi suratlaryny görkezdi.
NJCAR.RU portalynyň habar bermegine görä, krossoweriň göwrümi uzynlygyna 4 830 mm, inligine 1 900 mm we beýikligine 1 780 mm barabar, teker bazasynyň ölçegi 2 815 mm ýetýär. Şeýle ýagdaýda üç hatarly ýol ulagy özüniň göwrümi boýunça Hyundai Santa Fe bilen deňleşýär. Bu täze krossoweriň salony komplektasiýa baglylykda 6 ýa-da 7 orunlyk görnüşde hödürleniler.
Krossoweriň güýçli gurluşlarynyň hatarynda 1,5 we 1,8 litr göwrümli, degişlilikde 177 we 184 at güýçli iki sany dört silindrli turbo herekete getirijisi has ähmiýetlidir. Esasy motoryň 48 woltly starter-generator bilen üsti ýetirilip bilner. Herekete getiriji hem diňe öňdäki hem-de doly görnüşde hödürlenilýär.
Krossoweriň üpjünçilik sanawy howpsuz hem-de rahat dolandyryş üçin gerek bolan zatlaryň ählisini, şol sanda gyssagly awtomatik tormoz berme ulgamyny, adaptiw kruiz-kontroly, yşyk diodly optikany we panorama üçegini öz içine alýar.
Geely-nyň taýýarlan täze SUV-y ýakyn wagtda görkeziler.
Geely täze Geely HaoYue krossowerini görkezdi
- 13.01.2020 22:28
- 2.3k+
![Geely täze Geely HaoYue krossowerini görkezdi](https://tmcars.info/tmcars/images/original/2020/01/14/06/13/f8d91c79-d740-4600-9dd0-676a2a869abc.jpg)