Ronaldu bombardirleriň sanawynda ikinji orna çykdy

«Ýuwentusyň» hüjümçisi Kriştianu Ronaldu Italiýanyň Seriýa A çempionatynyň 19-njy tapgyrynda «Roma» bilen bolan duşuşygynda jerime urgusyndan gol saldy (2:1). Bu gol portugaliýaly oýunçynyň Italiýanyň çempionatynyň soňky 6 oýnundaky 9-njy goly.
Hüjümçi jemi 14 gol geçirdi we netijede, ol bombardirleriň sanawynda «Interiň» hüjümçisi Romelu Lukaku bilen ikinji orny paýlaşdy (14 pökgi). Bu sanawda «Lasionyň» hüjümçisi Çiro Immobile liderlik edýär (20).
***
Ýene bir gyzykly maglumat. Ýekşenbe güni «Mançester Siti» myhmançylykda «Aston Willadan» üstün çykdy (6:1). Pepiň topary gol salyp «ýadandan soň», duşuşygyň 90-njy minudynda öz derwezesine tarap jerime urgusyny gurnady, netijede gol geçirildi.
Günüň «gahrymany» Serhio Aguero boldy. Argentinaly oýunçy üç gezek gol saldy, ýöne bu ýönekeý het-trik däl. «Aston Willa» bilen bolan duşuşykdan soň, «Sitiniň» hüjümçisi öz adyny APL-iň legendalarynyň sanawynda bellige aldyrdy. Ol liganyň taryhynda iň gowy bombardirleriň bäşligine girdi, bahym ol dörtlüge, soň bolsa üçlüge-de girer.