«Xiaomi» söwda markasy häzirki wagtda ulanyjylaryň aglabasyna tanyş bolsa gerek. Ýöne onuň taryhynyň düýbünden başgaça ýaýbaňlanyp biljekdigi barada welin, köplere mälim däldir. Kompaniýanyň onýyllyk ýubileýiniň öň ýanynda onuň esaslandyryjysy Leý Szýun bu meşhur brendiň ýaýramagynyň çäginde başga-da nähili atlara eýe bolup biljekdigi barada gürrüň berdi.
Kompaniýany esaslandyryjylaryň ilkinji ýygnagy 2010-njy ýylyň 14-nji ýanwarynda geçirildi. Gün tertibine möhüm soraglar bilen bir hatarda geljekki brendiň adyny saýlamak hem girizilipdi. Hususan-da, Red Star warianty hödürlenildi, ýöne netijede ondan el çekdiler, şeýle-de duşuşygyň geçirilen ýeri bolan Xuande Hall çaý öýüniň şanyna Xuande adyny dakmak teklip edildi, ýöne ony hem «internet-kompaniýasyna laýyk däl» diýip hasapladylar. Mundan başga-da, Qianqi, Antong, Lingxi we başga-da birnäçe atlar gözden geçirildi.
Ahyrynda hem «Xiaomi» warianty üstün çykdy – hytaý dilinden terjime edilende bu söz «dary» diýmekligi aňladýar we kompaniýanyň ýolbaşçysynyň aýtmagyna görä, ol filosofiýanyň esaslaryna salgylanýar. Kompaniýanyň logotipi bolsa özüniň hususy düşündirilişine eýe bolan Mi abbrewiaturasy boldy. Leý Szýunyň aýtmagyna görä, bu harplar iki manyny aňladýar: Mobile Internet we Mission Impossible.
«Xiaominiň» ýolbaşçysy brendiň adynyň taryhy barada gürrüň berdi
- 13.01.2020 21:21
- 3.1k+