Ýapon awtoöndürijisi Toyota öňdebaryjy tehnologik işläp düzmelere meýliniň barlygyny telim gezek görkezipdi. Uçýan sübse, dolandyryjysyz akkumulýator we VR-awtomobil – bularyň ählisi bir zynjyryň halkalary. Indi bolsa, Toyota janly adamlaryň gatnaşmagynda özboluşly ilkinji eksperiment boljak bitewi ýokary tehnologiýaly megapolisi gurmak kararyna geldi.
Ýapon kompaniýasy Fudziýama dagynyň ýanyndaky 175 akr meýdançaly ozalky fabrigi satyn aldy. Toyota bu ýerden hemişe 2000 adam ýaşajak geljegiň şäherini döretmegi meýilleşdirýär. Uly bolmadyk ilatly bu punkt Woven City adyny aldy. Özüniň göwrümi zerarly onda bary-ýogy üç ýol bolar: birinji – tiz hereket edýän ulag serişdeleri üçin, ikinji – welosipedçiler, skuterçiler we pyýadalar üçin, üçünji – diňe pyýadalar üçin niýetlenilen park kenar ýakasy.
«Öýlerde ýaşaýjylaryň saglygyny barlamak, möhüm zerurlyklar barada aladalanmak we birikdirilen tehnologiýalary howpsuz hem-de pozitiw ulanmak mümkinçiligini döretmek bilen gündelik durmuşy gowulandyrmak üçin datçikleriň esasynda gurnalan emeli intellekt peýdalanylar» — diýip, Toyotanyň wekili habar berýär.
Şäherde e-Palette-den we kompaniýanyň beýleki önümlerinden başlap köp sanly awtonom ulag serişdeleri bolar. Ähli ýaşaýjylaryň adaty durmuşy alyp barjakdyklary habar berilýär. Gurluşyga 2021-nji ýylda başlamak meýilleşdirilýär.
Toyota geljegiň şäherini gurar
- 13.01.2020 21:17
- 4.6k+
