18-nji ýanwarda Las-Wegasda (Newada ştaty, ABŞ) garyşyk başa-baş göreş boýunça UFC 246 turniri geçiriler. Onuň esasy wakasynda iki agram derejede guramanyň eks-çempiony Konor Makgregor we titula eks-dalaşgär Donald Serrone duşuşar. Bu duşuşykdan öň sportsmenleriň bu göreş üçin näçe gazanjakdyklary belli boldy.
Irlandiýaly göreşiji $5 mln möçberinde gonorar alar, diýip, Essential Sports habar berýär. Habib Nurmagomedow bilen bolan öňki göreşi üçin ol $3 mln alypdy. Belläp geçsek, $5 mln möçberdäki pul tölegli ýaýlymlaryň satuwyndan, şeýle hem hemaýatkärlik tutumlaryndan göterimi hasaba almaýar. Serrone barada aýdylanda, amerikaly bu göreşiji $2 mln alar. Jastin Getji bilen geçenki göreşinde ol $195 müň ýazylgy çegi almak bilen, 10 esse az gazanypdy.
Ýatlap geçsek, Makgregor 2018-nji ýylyň oktýabrynda Nurmagomedowdan ýeňleninden bäri, ilkinji gezek göreşe çykar.
Makgregor Serrone bilen göreşi üçin $5 mln gazanar
- 12.01.2020 23:22
- 7.8k+
