«Barselonanyň» ýolbaşçylary toparyň goragçysy Žerar Pikeniň özüni alyp barşyndan nägile boldular we şol sebäpli oýunçylaryň şertnamasyna täze punkt girizdiler.
Abc.es-iň maglumatlary boýunça, katalon kluby toparyň täze futbolistlerine klubyň ýörite ygtyýaryny almazdan, başga islendik professional iş bilen meşgullanmagy gadagan eder. Şeýle punkt indiki möwsümden oýunçylar bilen baglaşylýan şertnamanyň ählisinde peýda bolar.
Pikeniň başga taslamalara gatnaşyp, klubdan daşlaşyp durýandygy sebäpli «Barselonada» nägilelik bildirilýär.
Ýatlap geçsek, ispaniýaly bu oýunçy «Andorra» klubynyň eýesi hem-de tennis boýunça Dewisiň Kubogynyň guramaçysy bolup durýar.
Mundan başga-da, «Barselonada» klubyň imijini goramak üçin oýunçylaryň internet torundan peýdalanmaklaryny hem gözegçilikde saklamak isleýärler.
Häzirki möwsümde Pike premýerada 18 oýna gatnaşdy we bir gol saldy. «Barselona» Ispaniýanyň çempionatynyň turnir tablisasynda hasabynda 19 duşuşykdan soň 40 utugy saklamak bilen birinji orny eýeleýär.
«Barselona» oýunçylaryň şertnamasyna täze punkt girizdi
- 12.01.2020 22:52
- 4140
