Dürli aksessuarlary öndüriji hökmünde belli bolan Satechi kompaniýasy Las-Wegasda geçirilen Consumer Electronic Show 2020 sergisinde özüniň 108 Wt kuwwatly Satechi Pro USB-C PD zarýad beriji gurluşyny görkezdi.
108-Wattly Satechi Pro USB-C PD iki sany USB-C (maksimal kuwwatlylygy 90 Wt we 18 Wt) we iki sany USB-A (jemi 12 Wt) bölegi arkaly bir wagtda 4 sany gurluşa zarýad berip bilýär. Satechi zarýad beriji gurluşy hatda 16 dýuýmly täze Apple MacBook Pro hem zarýad bermäge ukyply, onuň özüniň adapteriniň kuwwatlylygy bolsa 96 Wt-a barabar.
Satechi Pro USB-C PD gurluşa agram salynma derejesi 100-den 240 Wt-a çenli. Bu adapter gezelençlerde hem-de smartfon we noutbuk ýaly gurluşlara bir wagtda zarýad bermeli bolanda ulanmak üçin taslanylan.
Satechi-niň resmi habar bermesine laýyklykda, onuň işlenilip düzülmeginde esasy üns onuň howpsuzlygyna gönükdirildi. Bu gurluş güýçli gyzmanyň netijesinde döreýän zeper ýetmeleriň öňüni alar ýaly ýylylyga durnukly materialdan taýýarlanandygy üçin «uzak ömre» eýe.
Satechi Pro USB-C PD eýýäm satuwa çykarylan.
Noutbuklara we smartfonlara bir wagtda zarýad bermäge niýetlenilen adapter öndürildi
- 11.01.2020 23:28
- 2.1k+
