Habibiň tälimçisi onuň iň howply garşydaşy barada aýtdy

Garyşyk stiliň göreşijisi Habib Nurmagomedowyň tälimçisi Hawýer Mendes rus göreşijisiniň iň howply garşydaşynyň kim bolandygyny aýtdy.
«Dastin Porýe däl. Bu Konor Makgregor ýa-da Toni Fergýuson. Dogrymy aýtsam, men Konory saýlardym. Sebäbi biz oňa super-opponente taýýarlanýan ýaly taýýarlandyk. Ýöne aslynda Habib hiç haçan hiç kime göwnüýetmezçilik etmeýär. Hemmesine-de düýpli taýýarlyk görýär, sebäbi şeýle derejede sen kimdir birine göwnüýetmezçilik etseň, onda seni derrew «jezalandyrarlar» – diýip, Sport-Ekspress Mendesiň sözüni getirýär.
Şeýle-de, sportsmeniň tälimçisi Nurmagomedow bilen Makgregoryň arasyndaky rewanşyň bolmak mümkinçiligini hem bahalandyrdy.
«Bilmedim. Meniň pikirimçe, käbir adamlar bu göreşi gurnamak islärler, ýöne Habib – çempion, şonuň üçin şerti hem ol öňe sürýär. Hemme zat onuň isleýşi ýaly bolar. Ýöne Habibiň taýýar boljakdygyna kepil geçip biljek. Ol gaharly bolar, ýöne «kellesini ýitirmek» derejesinde däl. Men oňa köşeşmegi maslahat bererin, sebäbi gahardan ýaňa «gaýnamak» – bu Konoryň Habibden garaşýan zady. Meniň işim bolsa, munuň bolmagyna ýol bermezlik» – göreşijiniň halypasy belleýär.
Nurmagomedowyň Fergýusona garşy göreşi 18-nji aprelde Bruklinde geçiriler. Nurmagomedow sentýabrda amerikaly Dastin Porýeden Abu-Dabi Turnirinde üçünji raundda bogujy emeli ulanmak arkaly üstün çykyp, ýeňil agram boýunça UFC-niň titulyny gorady. Fergýuson professional karýerasynda üç gezek ýeňildi, 25 gezek hem ýeňiş gazandy. Nurmagomedow 28 göreşiniň ählisinde hem üstün çykdy.