Realme kompaniýasy täze önümleri boýunça metbugat maslahatyny geçirdi we onda Realme X50 flagman smartfony anons edildi. Maslahatyň dowamynda kompaniýanyň häzirki üstünlikleri beýan edildi.
2019-njy ýylyň jemi boýunça, bu ýaş brend dünýäniň Realme smartfonlary satylýan ähli sebitinde 25 milliondan gowrak telefony ýerlemegi başardy. 2018-nji ýyl bilen deňeşdirilende üpjünçiligiň ösüşi 500%-den geçdi.
Realme 2020-nji ýyl üçin öz öňünde maksat goýdy. Kompaniýa tutuş dünýäde üpjünçiligiň ösüş derejesini 100%-den hem ýokary görkezip biljekdigini aýdýar. Bu bolsa 2020-nji ýylda Realme ykjam telefonlarynyň çykarylyşynyň 50 milliondan hem geçjekdigini aňladýar.
2019-njy ýylyň üçünji çärýeginde Realme smartfonlaryň çykarylyş möçberi boýunça 7-nji orna düşüpdi. Indiki grafik Realme-niň nähili derejede çalt öwrüm edýändigini görkezýär:
2018-nji ýylyň üçünji çärýeginde kompaniýa 47-nji orny eýeleýärdi, dördünji çärýekde 15-nji orna geçdi, 2019-njy ýylyň ikinji çärýeginde bolsa, özüniň düýbüniň tutulmagyndan bir ýyl soň smartfonlary çykarmak boýunça öňdebaryjylaryň onlugyna girdi.
Realme-niň ýerine ýetiriji müdiri Sýuý Si aýratyn interwýusynda Realme-niň eýýäm şu ýylyň dowamynda 4G-smartfonlaryň önümçiligini bes edip, diňe 5G-smartfonlaryny çykarjakdygyny habar berdi, şeýle-de Realme TV-ni çykarmak boýunça meýilnamasyny tassyklady.
Smartfonlaryň bazarynda täze rekord goýuldy
- 09.01.2020 20:14
- 4.7k+
