Özbegistanyň 40 ýaşly ýaşaýjysy Prezidentiň saýty arkaly Habibi göreşe çagyrdy

Özbegistanyň Buhara welaýatynyň Peşkun etrabynyň 40 ýaşly ýaşaýjysy oňa UFC-niň ýeňil agram boýunça çempiony Habib Nurmagomedow bilen göreşi gurnap bermek haýyşy bilen wirtual kabulhana arkaly respublikanyň Prezidenti Şawkat Mirziýoýewa ýüz tutdy.
Özbegistanly raýat şeýle haýyş bilen hiç ýere ýüz tutmandygyny, ýöne prezidentiň saýty arkaly oňa dagystanly bilen göreşi geçirmäge mümkinçilik döredip bermegini haýyş edýändigini belläp geçdi.
— Habib özüniň guşagyny mynasyp dakynmaly. Meniň üçin we Habib üçin medisina barlagyny geçirmegi haýyş edýärin – diýip, arzada beýan edilýär.
Belläp geçsek, heniz ýeke gezek hem ýeňilmedik Habib Nurmagomedow Özbegistanda hem tanymaldyr. Geçen ýyl ol hormatly myhman hökmünde birnäçe gezek respublika geldi, maýda bolsa Mirziýoýewiň giýewsi, Prezidentiň howpsuzlyk gullugynyň ýolbaşçysynyň orunbasary we Özbegistanyň garyşyk göreş sungaty Assosiasiýasynyň ýolbaşçysy Otabek Umarow bilen bilelikde türgenleşik geçdi.