Mercedes-Benz kompaniýasy «Awatar» stilindäki täze VISION AVTR simbiotiki elektromobilini görkezdi

Daimler AG elmydama özüniň konseptual awtoulaglaryny dürli sergilerde görkezip gelýär we bu gezekki CES 2020  hem kadadan çykma bolmady. Özi-de bu gezek firma nähilidir bir örän özboluşly bir zat taýynlapdyr. Ol VISION AVTR  diýlip atlandyrylýar.
Bu awtoulag ekologiýanyň we ýolagçylaryň awtoulaga janly organizm hökmünde garamak ideýalarynyň şöhlelenmesidir. Ony taslaýjylar adaty bolmadyk estetikany döretmäge «Awatar» filminiň gahrymanlarynyň arasyndaky simbiotiki gatnaşyklaryň ruhlandyrandygyny aýdýarlar.
Awtoulagyň yzky böleginde Merсedesiň özünde aýdyşlary ýaly 33 sany dürli ugurly «üstki elementler» ýerleşdirilen. Olar reptiliýa teňňejikleri ýaly titräp we tolkun şekilli hereketlenip bilýärler.
Awtoulag grafen esasynda organiki akkumulýator batareýinden iýmitlenmeli.
Visin AVTR doly dolandyrylýan şassilere hem eýe boldy, şonuň üçin hem ol diňe öňe däl-de, eýsem, 30º burç bilen gapdala hem hereket edip bilýär. Munuň üçin öň we yzky tekerler bir ugra bolşy ýaly, gapma-garşy ugra hem öwrülip bilýärler. Inženerler muny «leňňeç ýörişi» diýip atlandyrýarlar we bu «tejribäniň» köp ilatly şäherlerde, meselem, awtoduralgada peýdaly boljakdygyny aýdýarlar.
VISION AVTR-da ne rol bar, ne-de pedal. Ähli zat – merkezi paneldäki biojoýstikde. Sürüji oňa elini goýýar we awtoulag pulsy tanap, awtomatik usulda otlanýar. Awtoulag joýstigi gerekli tarapa gyşartmak arkaly sürülýär.
Informasion ulgamyň audiowizual bölegi awtoulagy ulanmakdaky kontekste baglanan. Meselem, eger-de ulgam awtoulagyň içinde maşgala bolup oturylandygyny kesgitlese, onda çagalara gözegçiligi ýeňilleşdirer ýaly ene-atalar üçin öňdäki ekranda yzky oturgyçdaky şekiller peýda bolýar.
Umuman, Mercedes-Benz VISION AVTR görnüşine görä, häzirki döwrüň iň bir simbiotik, janly we adatdan daşary konseptual awtoulagy boldy. Ýöne Daimler AG wagtyň geçmegi bilen awtoulaglaryň hakykatdanam şeýle görnüşde boljakdygyna tama edýär.