UFC-niň amerikan göreşijisi Donald Serrone özüni indiki garşydaşy — iki agram dereje boýunça UFC-niň öňki çempiony Konor Makgregor bilen deňeşdirdi. Olaryň göreşi 18-nji ýanwara bellenilen.
«Men Makgregora garanda, MMA-nyň göreşijisi hökmünde gowumy? Gürrüňsiz. Men uly göreşlere gatnaşdym. Bu ýoly birnäçe gezek geçdim. Bu garyşyk başa-baş göreşlerde meniň 51-nji göreşim bolar. Men islendik biri bilen deňeşdirilende-de, hemmesinden kän göreşdim» — diýip, «MMAFighting» Donald Serroneniň sözlerini getirýär.
Konor Makgregor üçin Donald Serrone bilen göreş 2018-nji ýylyň oktýabrynda Habib Nurmagomedow bilen bolan göreşden soň ilkinji bolar. Makgregoryň Serrone bilen göreşi şu ýylyň 18-nji ýanwaryna UFC 246 turnirinde bellenilen, bu bolsa düzgün boýunça bäş raund meýilleşdirilen turniriň esasy wakasy bolar. Öň, UFC-niň prezidenti Dena Uaýt Makgregor Serroneden, Habib Nurmagomedow Toni Fergýusondan üstün çykan ýagdaýynda guramanyň Habib bilen Konora rewanş bermäge taýýardygyny habar berdi.
Serrone: «MMA-nyň göreşijisi hökmünde men Makgregordan has gowy»
- 07.01.2020 23:28
- 5.4k+
