Sony ýapon kompaniýalarynyň dürli tehnologiýalaryny görkezmeklige bagyşlanylan Consumer Electronic Show sergisinde Sony Vision-S elektromobili bilen garaşylmadyk anons etdi.
Sony Vision-S elektromobili awtomobiliň iç we daş tarapyndan 33 sany dürli datçikler bilen, birnäçe displeý, uly ses ýaňlanyş sistemasy, şeýle-de Internet toruna birikme bilen üpjün edildi.
Elektromobiliň platformasy Magna kompaniýasynyň kömegi bilen işlenilip düzüldi. Sony şeýle platformanyň adaty ýoldan daşary hereket edýän ulag serişdeleriniň beýleki görnüşleri üçin hem laýyk geljekdigini nygtaýar.
«Bu prototip geljekdäki ykjamlylyga biziň goşandymyz bolar» – diýip, Sonynyň baş müdiri Kenitiro Ýoşida belleýär.
Sony özüniň press-konferensiýasynyň ahyrynda awtomobiliň gysga tanyşdyrylyşy üçin bary-ýogy birnäçe minut sarp etdi, şonuň üçin birnäçe soraglar hem jogapsyz galdy. Sony Vision-S elektromobili seriýaly önümçilige goýberilýärmi ýa-da bu diňe bir prototipmi, şeýle-de awtomobiliň tehniki häsiýetleri nähili bolar, bu zatlar heniz belli däl.
Sony ilkinji Vision-S elektromobiliniň anonsy bilen geň galdyrdy
- 07.01.2020 23:28
- 3.1k+
