«Barselonanyň» hüjümçisi Luis Suares dekabr boýunça La Liganyň iň gowy oýunçysy diýlip ykrar edildi.
Hüjümçi dekabrda Ispaniýanyň çempionatynyň 5 oýnunda 3 gezek gol saldy we 6 gezek netijeli ýardam pasyny geçirdi. Oňa diňe Madridiň «Realyna» (0:0) garşy duşuşykda netijeli hereketleri bilen bellige aldyrmak başartmady.
Belläp geçsek, La Liganyň 4-nji ýanwarda geçen «Espanýola» garşy oýnunda (2:2) Suares ýene-de netijeli hereketleri bilen bellige alyndy: ol gol saldy we pökgini netijeli berdi.
La Liganyň indiki tapgyrynda «Barselona» öz öýünde «Granada» garşy oýnar. Duşuşyk 19-njy ýanwarda geçer.
Suares — dekabr boýunça La Liganyň iň gowy oýunçysy
- 06.01.2020 20:21
- 1.6k+
