Smartfonlaryň, telewizorlaryň hem-de audio enjamlardan giň assortimentini öndürýän Samsung koreý kompaniýasy öý howpsuzlygy üçin hem dürli enjamlary hödürleýär.
«Samsung Smart Wall Pad» (model SHT-3625) ilkinji wideodomofony 2013-nji ýylda hödürlenipdi. Şu hepdäniň dowamynda bolsa öýüň girilýän gapysyny uzak aralykdan açmak we jaýyň öňünde bolup geçýän zatlara gözegçilik etmek üçin ulanylýan gurluşyň has kämilleşdirilen modeliniň görkezilmegine garaşylýar.
Munuň üçin daşky ulanyşa niýetlenilen goşmaça kamera oturdylýar, «akylly» domofon öýüň içiniň islendik amatly ýerinde asylyp bilinýär. «Samsung Smart Wall Pad» original wersiýasynyň ekrany 4,3 dýuým diagonala eýe, ýöne täze wersiýasynyňky ulurak bolar. Displeýiň aşagynda 6 sany sensor düwmeleri ýerleşdirilen. Intellektual eýeçiligiň Koreý edarasyna degişli patent geçen ýylyň martynda berildi, oktýabrda bolsa enjam makullanyldy.
Samsungyň bu «akylly» öý enjamyny özüniň «SmartThings IoT» «akylly» öýüniň platformasyna girizjekdigi anyk zat. Bu wideodomofony smartfon arkaly dolandyrmaga mümkinçilik berer. Şeýle-de, ses arkaly dolandyrmak we ýüz boýunça anyklama ýaly funksiýalara hem garaşylýar.
Samsung täze «akylly» wideodomofonyny döretdi
- 06.01.2020 20:11
- 2.3k+
