Hawýer Mendes: «UFC-niň iň gowy göreşijisi Jons däl-de, Habib»

UFC-niň ýeňil agramdaky çempiony Habib Nurmagomedowyň tälimçisi Hawýer Mendesiň pikirine görä, promouşeniň ýarym orta agramda çempiony Jon Jons UFC-niň iň gowy göreşijileriniň sanawynda birinji setirde adalatsyz ýerleşýär.
«Bu adalatsyz. Habib — gürrüňsiz dünýäde birinjidir. Ol muny subut etdi».
Hiç kim onuň ýaly üstünlikli çempion bolup bilmedi. Hiç kim. UFC-niň taryhynda hiç wagt. Ol Konora ýeke raundy hem bermedi.
Ol ýeňil duşuşyk bolupdy. Şondan soň, kimdir biri onuň birinji däldigi barada aýdýarmy? Bu asla akla sygjak zat däl» — diýip Mendes aýtdy.
Habib Nurmagomedow häzirki wagtda UFC-niň iň gowy göreşijileriniň sanawynda 2-nji setirde durýar.
Ýatlatsak, 2020-nji ýylyň 18-nji aprelinde Bruklinde (Nýu-Ýork, ABŞ) garyşyk göreş boýunça UFC 249 ýaryşy geçiriler. Onuň esasy göreşinde guramanyň ýeňil agramdaky çempiony Habib Nurmagomedow we liganyň öňki wagtlaýyn çempiony Toni Fergýuson duşuşar. Bu UFC-niň bu iki göreşijiniň duşuşygyny gurnamak boýunça bäşinji synanyşygy bolar. Öňki gezekler duşuşyk türgenleriň haýsy hem bolsa biriniň şikes almagy ýa-da beýleki meseleler zerarly ýatyrylypdy.