2020-nji ýylyň 18-nji aprelinde Bruklinde (Nýu-Ýork, ABŞ) garyşyk göreş boýunça UFC 249 ýaryşy geçiriler. Onuň esasy göreşinde guramanyň ýeňil agramdaky çempiony Habib Nurmagomedow we liganyň öňki wagtlaýyn çempiony Toni Fergýuson duşuşar. Bu UFC-niň bu iki göreşijiniň duşuşygyny gurnamak boýunça bäşinji synanyşygy bolar. Öňki gezekler duşuşyk türgenleriň haýsy hem bolsa biriniň şikes almagy ýa-da beýleki meseleler zerarly ýatyrylypdy.
Adatdan daşary ýagdaýlaryň öňüni almak üçin UFC eýýämden göreşijileriň ornuna çalyşmak mümkin bolan göreşijini taýýarlaýarlar. Liganyň prezidenti Dena Uaýtyň aýtmagyna görä, Habibi ýa-da Fergýusony iki agram derejede UFC-niň öňki çempiony Konor Makgregor çalşyp biler.
«2020-nji ýylda Konor üç gezek göreşmek isleýär. Ol Serroneden üstün çykan ýagdaýynda Habib bilen duşuşmaga mümkinçilik almaga umyt edýär. Siz Konory tanaýarsyňyz. Biz ýene-de Habib bilen Fergýusonyň duşuşygyny gurnamaga synanyşýarys. Konor Serroneni ýeňjekdigine ynanýar we islendik ýagdaýda Nurmagomedow bilen ýeňil agramda duşuşmaga taýýar. Şonuň üçin hem ol Fergýuson bilen Habibiň duşuşygyna taýýar bolar» diýip Uaýt belleýär.
Makgregor zerur bolsa, Habibe ýa Fergýusona derek çykyş edip biler
- 05.01.2020 23:41
- 7k+
