Bluetooth standartlaryny işläp taýýarlamak, şeýle hem bu hili tehnologiýa bilen üpjün edilen enjamlary şahadatnamalaşdyrmak bilen meşgullanýan «Bluetooth Special Interest Group» guramasy Huawei hytaý kompaniýasynyň üç sany täze smartfonunyň şahadatnamasy barada maglumaty neşir etdi.
Smartfonlaryň üçüsi hem Bluetooth 5.1 tehnologiýasyna eýe, gürrüň Huawei P40 lineýkasynyň dürli modelleri barada gidýär. Eger-de Hytaýdan gelýän gürrüňlere ynansaň, onda şu ýylda Huawei P40 seriýasy üç sany modeli öz içine alar.
Huawei P40-yň standart modeli tekiz ekran bilen üpjün ediler. Dört tarapy hem egri ekrana eýe boljak Huawei P40 Pro we Huawei P40 Plus goşmaça modellere hem garaşylýar. Huawei P40 Plus-yň displeýiniň diagonaly ulurak bolar.
Öň Huawei-niň alyjylar bölüminiň ýerine ýetiriji müdiri Ýuý Çendun Huawei P40 lineýkasynyň Parižde şu ýylyň martynda görkeziljekdigini resmi taýdan tassyklady.
Şeýle-de, Huawei kompaniýasynyň Huawei P40 bilen bir hatarda smartfonlarynyň satuwyny kämilleşdirmäge mümkinçilik berjek, Google hyzmatlary üçin talabalaýyk alternatiwany işe girizmegine garaşylýar.
Huawei P40, P40 Pro we P40 Plus smartfonlaryň esasy aýratynlygy atlandyryldy
- 05.01.2020 23:33
- 3.5k+
