Huawei ilkinji bolup işgärsiz işleýän özboluşly dükanyny açdy

4-nji ýanwarda Huawei kompaniýasy Hytaýda «Wuhan Optics Valley» täze ösüş halkara merkezinde özüniň ilkinji «akylly» bölek satuw dükanyny açdy. Dükan gije-gündiz işleýär we ammardan getirilen predmetleriň toplumyna we olaryň satyn alyjylara gowşurylmagyna jogap berýän üç sany robotlaşdyrylan el tarapyndan dolandyrylýar.
Bölek satuw dükanlary täze önümi satyn almazdan öň barlap görmek isleýän sarp edijileriň köpüsiniň ünsüni özüne çekýär. Ýöne bölek satuw dükanlarynyň kärendesine almak, zähmet hakyny tölemek, erkin giňişlik ýaly we başga-da käbir ýetmezçiligi bar.
Bu meseleleri çözmek üçin, Huawei köp ýeri tutmaýan we işgärleriň işlemegini talap etmeýän ilkinji «akylly» bölek satuw dükanyny açmak kararyna geldi. Birinjiden, islendik internet-dükany ýaly ol hemişe açyk. Ikinjiden, ol bu ýerde adam faktorynyň ýokdugy sebäpli sagat ýaly işleýär.
Huawei-iň «akylly» dükany ok geçirmeýän aýnaly silindr forma eýedir. Dükan häzirki wagtda diňe smartfonlary we aksessuarlary satýar. Ol alyjylar tarapyndan sargyt edilen harydy gowşurýan bir sany uly we iki sany kiçi robotlaşdyrylan eli özünde jemleýär. Sargyt dükanyň daşky tarapynda ýerleşdirilen sensorly panel arkaly amala aşyrylýar. Mundan başga-da, alyjylar harytlary onlaýnda sargyt edip, olary bu dükandan alyp gidip bilýärler.
Eger-de Huawei ulanyjylar tarapyndan položitel baha alsa, onda Hytaýyň ähli ýeri boýunça şeýle dükanlary açar.