«Barselona» – «Liwerpul» 2019-njy ýylyň iň köp tomaşaçyly duşuşygy boldy

«Transfermarkt» portaly dünýä futbolynda 2019-njy ýyl boýunça iň köp gelim-gidimli oýunlaryň onlugyny düzdi. Sanawyň ilkinji setirini 2018/19 möwsümiň Çempionlar ligasynyň 1/2 finalynyň «Kamp Nou» stadionynda geçen we 98 299 tomaşaçyny ýygnan «Barselona» – «Liwerpul» duşuşygy eýeledi. Ýatlap geçsek, duşuşyk katalon toparynyň peýdasyna 3:0 hasap bilen tamamlandy.
Iň gelim-gidimli oýunlaryň doly sanawy şeýle görnüşde:
1. «Barselona» – «Liwerpul» (Kamp Nou, Barselona, 1-nji maý) – 98 299 tomaşaçy;
2. «Kaýzer Çifs» – «Orlando Paýrets» (Sokker Siti, Ýohannesburg, 9-njy noýabr) – 88 000 tomaşaçy;
3. «Mançester Siti» – «Uotford» (Uembli, London, 18-nji maý) – 85 854;
4. Ýylyň dowamynda birnäçe oýunlar (Signal Iduna Park, Dortmund) – 81 365;
5. «Real» – «Barselona» (Santýago Bernabeu, Madrid, 27-nji fewral) – 80 472;
6. Ýylyň dowamynda birnäçe oýunlar (Azadi, Tähran) – 80 000;
7. Fransiýa – Albaniýa (Stad de Frans, Sen-Deni, 7-nji sentýabr) – 78 000;
8. «Milan» – «Inter» (San-Siro, Milan, 17-nji mart) – 77 749;
9. Ýylyň dowamynda birnäçe oýunlar (Alýans Arena, Mýunhen) – 75 000;
10. «Gerta» – «Borussiýa» D (Olimpiýa stadiony, Berlin, 16-njy mart) – 74 667.