Eýranyň ýol we şäher ösüşi ministri: «Eýranyň Hazar portlarynda utgaşdyrylan ýük daşama we ýolagçy gatnatmak infrastrukturasy deňagramly ösdürilýär. Bu meseleler hökümet üçin döwlet maksatnamalarynyň ileri tutulýan ugurlary bolmagynda galýar» - diýip belledi. Bu barada «Media-Turkmen» agentligi IRNA habarlar agentligine salgylanyp habar berýär.
Eýranyň demirgazyk-günbataryndaky Astara portuna baryp gören Mohammad Eslaminiň belleýşi ýaly, 2019-njy ýylyň awgustynda Türkmenistanda geçirilen I Hazar ykdysady forumynda hazarýaka döwletleriň arasynda deňiz gatnawlaryny ösdürmek we täze köpri gurmak arkaly Baku-Astara şossesini gurmak hakynda möhüm ylalaşyklar gazanyldy.
Ol haryt dolanyşygynda «Demirgazyk-Günorta» geçelgesiniň uly orun eýeleýändigini we Hazar portlarynyň bu geçelgede esasy orun tutmalydygyny belledi.
Öň Eýranyň ýol we şäher ösüşi ministri Mohammad Eslamä salgylanyp habar berlişi ýaly, Tähran we Aşgabat deňiz gatnawynyň göni ugruny ýola goýmak boýunça ylalaşyk gazandy.
Eýran Hazar portlarynda utgaşdyrylan ýük daşamalar infrastrukturasyny ösdürýär
- 04.01.2020 22:37
- 2.2k+
