Samsung Electronics kompaniýasy sygymly akkumulýator we QLED displeýi bilen üpjün edilen Galaxy Book Flex α (Alpha) ykjam kompýuterini hödürledi.
Galaxy Book Flex α üçin 10-njy nesliň Intel Core prosessory esas bolup hyzmat etdi. Onuň konfigurasiýasy 8 ýa-da 16 GB operatiw ýady we 256 GB, 512 GB ýa-da 1 TB göwrümli SSD-ni öz içine alar. Enjamlaşdyrylyşynda Wi-Fi 6 interfeýsi, USB 3.0 portuny, HD kamerany we daktilaskopik datçigi tapawutlandyrmak bolar.
Bir gezek zarýadlandyrmada kompýuter 17,5 sagada çenli işläp bilýär. Displeý barada aýtsak, öndürijileriň habar bermegine görä, “milliarddan gowrak reňki döretmäge ukyply QLED displeýi siziň söýgüli kontentiňiziň şekillendirijilik akymyny görlüp eşidilmedik derejede gyzykly edýär”. Ekranyň iň ýokary ýagtylygy 600 kd/m2 deň. Ekranyň ölçegi 13,3 dýuýma barabar, ygtyýarlylygy - 1920 x 1080 piksel. Ekran Active Pen ýeleginiň ulanylmagy bilen sensorly girizmä hem eýe, ýöne ol komplekte degişli däl.
«2-si 1-inde» derejedäki kompýuteriň agramy 1,19 kg, onuň gabarasy 304,9 x 202,0 x 13,9 mm barabar. Onuň korpusy berk alýumin karkasa eýe. ABŞ-da Galaxy Book Flex α 2020-nji ýylyň birinji ýarymynda satuwa çykar.
Samsung Galaxy Book Flex Alpha noutbuk-transformeri QLED displeýi bilen üpjün edildi
- 03.01.2020 23:43
- 1.9k+
