Xiaomi brend sagatlaryndan we fitnes-bileziklerinden başlap, «akylly» öý elementlerine çenli köpsanly «akylly» enjamlary öndürýär. Ýöne sähelçe-de bolsa goragly «akylly» dewaýslary welin, kompaniýa heniz ýeke gezek hem hödürlemändi. Bu ýagdaý ýakyn wagtlarda düýpgöter üýtgemegi ähtimal.
Xiaomi üçin dürli dakylýan enjamlary işläp taýýarlamak işi bilen meşgullanýan Huami kompaniýasynda täze «akylly sagatlar» görkezilen täze poster çykdy. Eýýäm şu posterden hem görnüşi ýaly, täze enjamyň korpusy ýokary derejede goragly we rezin görnüşde bolar. Enjam barada has jikme-jik maglumat heniz ýok, emma ulanyjylaryň we insaýderleriň çaklamalaryna esaslansak, onuň diňe bir suw damjalaryna ýa-da suwa gaçmalara garşy goragy bolman, eýsem, has «gödegräk» ulanyjylar üçin urgulardan we beýlekilerden gorajak örän ygtybarly gurluşy hem bolar.
Amazfit T-Rex (täze dewaýs şeýle atlandyrylýar) sagadynyň anonsy 2020-nji ýylyň 8-nji ýanwarynda her ýyl geçirilýän CES 2020 sergisiniň çäklerinde bolar.
Xiaomi kämil goragly «akylly» sagatlaryň anonsyny taýýarlaýar
- 03.01.2020 23:42
- 3k+
