Hytaýyň çäklerinde 2019-njy ýylyň ahyrynda resmi taýdan anons edilen «Xiaomi Watch Color» «akylly» sagatlarynyň satuwy ýola goýuldy.
Deslapky sargytlary kabul etmeklik 1-nji ýanwarda başlanypdy, bu gün bolsa isleg bildirýänler eýýäm täze «Xiaomi Watch Color» gajeti dükanlardan satyn alyp bilýärler.
«Xiaomi Watch Color» «akylly» sagatlary 454x454 piksel ygtyýarly 1,39 dýuým diametrli tegelek AMOLED-ekranyna, Bluetooth 5.0 adapterine we garaşma režiminde üç hepde işlemäge ýetýän sygymy 420 mA/sag bolan akkumulýatora eýe boldy, adaty ýagdaýda ol zarýadlamasyz 14 güne çenli işleýär.
Mundan başga-da, «Xiaomi Watch Color» fiziki işjeňligiň 10 görnüşine eýe we ol gije-gündiziň dowamynda ýürek urmasynyň ýygylygyny we stressiň derejesini bellige alyp durýar hem-de ukynyň hilini gözegçilikde saklamak bilen maslahatlary berip bilýär.
Harytlary, ulagda ýol puluny tölemek üçin hem-de «akylly» gulplary açmak, şeýle-de “akylly” öýler bilen özara gatnaşyk üçin ulanyp boljak köp funksiýaly NFC modulynyň bolmagy hem ähmiýetlidir. Sagatlar suwdan goraglylyga hem eýe (5 ATM).
Şeýle-de, öndüriji korpusyň 1540 reňk sazlaşygynyň, siferblatlaryň we çalt aýryp bolýan elýeterli gaýyşjyklaryň bardygyny mälim edýär.
«Xiaomi Watch Color» sagatlarynyň satuwy ýola goýuldy
- 03.01.2020 23:34
- 1.7k+
