Vivo, Oppo we Xiaomi kompaniýalary dünýäniň ähli ulanyjylary üçin faýllary simsiz geçirmegiň innowasion ulgamynyň döredilýänligi barada habar berdiler. Täze tehnologiýa brendleriň gurluşlarynyň arasynda bir gezek basma arkaly faýllaryň çalt geçirijiligini üpjün edýär.
Täze ulgam bu üç brendiň müşderilerine mobil gurluşlaryň arasynda faýllary başga bir programmalary ýa-da internet birikmelerini ulanmasyz aňsatlyk bilen ibermeklige mümkinçilik berýär. Tehnologiýa resminamalaryň uly spektrlerini kabul edip, şeýle-de olary iberip hem bilýär: fotografiýalary, wideolary, aýdymlary we beýleki formatlary.
Faýllary ibermekligiň simsiz ulgamy internete birikmegi talap etmeýär. Tehnologiýa çalt baglanyşmak üçin Bluetooth we maglumatlary ibermek üçin Wi-Fi P2P (Peer to Peer) tehnologiýasyny ulanýar. Maglumatlary ibermekligiň ortaça tizligi 20 MB/s. Mundan başga-da, Wi-Fi P2P faýllaryň iberilýän wagtynda ulanyjylaryň internetde galmagyna mümkinçilik bermek bilen, bar bolan Wi-Fi-birikmesiniň arasyny üzmeýär.
Bu funksiýa öndürijileriň dürli bazarlardaky smartfonlaryna 2020-nji ýylyň fewralyndan girizilip başlanar.
Xiaomi, Vivo we Oppo faýllary simsiz geçirmegiň täze ulgamyny hödürlediler
- 03.01.2020 06:32
- 3.1k+
