La Liganyň resmi Twitter-akkaunty 2019-njy ýylyň soňky aýynyň iň gowy oýunçysy ady üçin göreşjek futbolçylaryň üçlügini mälim etdi. Oňa «Sewilýanyň» goragçysy Diego Karlos, «Hetafeniň» hüjümçisi Anhel we «Barselonanyň» hüjümçisi Luis Suares girdi.
Belläp geçsek, sanawda dekabr boýunça hasabynda bäş oýunda bäş gol we bir assist bolan Lionel Messiniň ady ýok.
Şu ýerde ýene bir maglumaty belläp geçmeli. «Barselona» ter Ştegen bilen şertnamany uzaldar. Ýagny, «Barselona» Mark-Andre ter Şteger bilen şertnamany uzaltmaklyga ýakyn, bu barada Sport.es habar berýär.
Çeşme “gök-gyzyllaryň” nemes derwezeçisi bilen bäş ýyl möhletli şertnama baglaşjakdygyny tassyklaýar. Onuň häzirki şertnamasy 2022-nji ýylyň tomsuna çenli hereket edýär.
27 ýaşly ter Ştegen şu möwsümde «Barselonanyň» futbolkasynda 23 oýna gatnaşyp, 24 pökgini geçirdi.
Ýatlap geçsek, nemes derwezeçisine «Bawariýa», «Ýuwentus» we «Pari Sen-Žermen» dalaşgärlik edýär.
La Liga «dekabryň oýunçysy» adyna dalaşgärleri hödürledi
- 03.01.2020 06:14
- 2.8k+
