«Barselona» düzümini has-da güýçlendirmegi we 2020-nji ýylda her liniýa oýunçy satyn almagy meýilleşdirýär. Bu barada Sport.es habar berýär.
Çeşmäniň habar bermegine görä, toparyň ýolbaşçylary täze ýyl ýygnagyny geçirdiler we klubuň transfer syýasatyny maslahatlaşdylar. Onda her liniýa bir oýunçy satyn almak maksat edilip goýuldy. Tehniki kätiplik eýýäm anyk atlar bilen iş geçirip başlady. Toparyň ileri tutýan esasy maksady – ýarymgoragçy satyn almak. Iwan Rakitiç bilen Arturo Widalyň bolsa tomusda topardan gitmeklerine garaşylýar. «Barselona» hüjüm liniýasyna «Interiň» hüjümçisi Lautaro Martines bilen «PSŽ-niň» hüjümçisi Neýmary göz öňünde tutýar, olaryň transfer bahasy ispan kluby üçin örän özüne çekiji bolup biler. Şeýle hem, toparyň gorag liniýasy-da yzygiderli meseleleri döredýär.
«Barselona» 18 tapgyrdan soň 39 utuk gazanmak bilen ispan Ligasynyň turnir tablisasynda birinji orny eýeleýär. Ernesto Walwerdeniň tälimçiligindäki oýunçylar indiki oýny «Espanýol» bilen geçirerler. Duşuşyk 4-nji ýanwarda bolar.
«Barselona» 2020-nji ýylda her liniýasyna bir oýunçy satyn almagy meýilleşdirýär
- 28.12.2019 22:25
- 3.3k+
