«Volkswagen» kompaniýasy zarýad bermegiň täze konsepsiýasyny hödürledi. Kompaniýanyň hünärmenleri tarapyndan işlenip düzülen robot geljekde elektromobilleri doly awtonom usulda zarýadlandyrmaga mümkinçilik berer we onuň netijesinde islendik awtoduralga zarýad berme nokadyna öwrüler.
Zarýad bermegiň mobil ulgamy iki blokdan ybarat: robotdan we energiýa saklaýjy enjamdan. Smartfondaky programma ýa-da awtomobile birikdirilen ulgam arkaly sürüji çagyrandan soň, robot enjamy zarýad bermek üçin ulag serişdesine tirkeýär.
Soňra ol elektromobiliň zarýad berilýän bölegini açýar, oňa zarýad beriji enjamy birikdirýär we beýleki ulag serişdelerine hyzmat etmäge ugraýar. Zarýadlandyrma prosessi tamamlanandan soň, robot zarýad beriji enjamy öçürmek we ony zarýad stansiýasyna eltmek üçin elektromobiliň ýanyna dolanyp gelýär. Tutuş zarýad berme prosessi hiç hili adam gatnaşmazdan bolup geçýär.
Her bir akkumulýator blogynyň sygymy 25 kWt/sag bolup, ol kuwwatlylygy 50 kWt-a çenli bolan çalt zarýadlanmany üpjün edýär. Robotyň awtoduralgada erkin hereket edip bilmegi üçin ol birnäçe skaner we datçikler bilen enjamlaşdyrylan.
«Volkswagen» elektromobilleri zarýadlandyryjy roboty hödürledi
- 28.12.2019 22:24
- 2.2k+
