Xiaomi kompaniýasy kollektiwleýin maliýeleşdirme meýdançasynda özüniň Xiamo MIIW Elite atly simsiz mehaniki klawiaturasyny we simsiz syçanjygyny görkezdi.
MIIW Elite simsiz mehaniki klawiatura 85 sany gaýçy şekilli düwmeli gurluşa eýedir. Onuň dizaýny babatda aýtsak, klawiatura aýlaw burça we tegelek düwmelere eýe. Onuň galyňlygy 7,8 mm.
Alt we Ctrl klawiaturalarynyň arasynda probelden sag tarapda HKUST Xunfei ses bukjasyny işe girizýän düwme ýerleşýär. Bu ulanyjylara düwmäni ýönekeýje basyp saklamak bilen teksti ses arkaly girizmäge mümkinçilik berýär. Düwmäni howa maglumaty, walýuta hümmeti we şolar ýaly dürli intellektual sorag buýruklaryny aktiwleşdirmek üçin hem ulanmak bolýar.
Mundan başga-da, kompaniýa adyndan belli bolşy ýaly 85 klawişaly we şol bir dizaýnly MIIW 85 klawiaturasyny hem çykardy. Bu wersiýa ses arkaly girizme sistemasy bilen üpjün edilmedik. Şeýle-de, Xiaomi simmetrik dizaýna we ýylmanak bolmadyk tekstura eýe bolan simsiz täze MIIW Elite syçanjygyny hem hödürledi. Täze önümler geljek ýylyň 25-nji fewralynda satuwa girişer.
Xiaomi ses buýrugyny girizmäge ukyply akylly klawiaturasyny hödürledi
- 27.12.2019 06:49
- 3.3k+
