Superkompýuter Messi bilen Ronaldunyň arasyndan iň gowy oýunçyny belli etdi

«Barselonanyň» kapitany Lionel Messimi ýa-da «Ýuwentusyň» hüjümçisi Kriştianu Ronaldumy? KU Leuven uniwersitetiniň professorlary we SciSports hünärmenleri superkompýuteriň we hasaplaýyş algoritminiň kömegi bilen iň gowy oýunçynyň kimdigini kesgitlediler.
— Futbolistiň gymmaty köplenç onuň gollary we pökgini geçirijiligi bilen kesgitlenilýär. Ýöne gol – oýunda ortaça 1600 hereket bolup geçýändigine garamazdan, seýrek hadysa. Biziň modelimiz her bir hereketi – gollary, topuň berlişini, urgulary gözden geçirýär we olaryň gymmatyny hasaplaýar – diýip, professor Jessi Dewisiň sözi getirilýär.
Bu iki oýunçynyň Ronaldunyň la ligadan gitmänkä, ýagny 2013/2014 möwsüminden başlap maglumatlaryny peýdalanmak bilen kompýuter Messiniň iň gowy oýunçydygyny kesgitledi. Argentinaly oýunçynyň bahasy bir oýunda 1,21 görkezijä deň boldy, Ronalduda – bir oýunda 0,61.
— Ilkinji möwsümlerde Messiniň we Ronaldunyň netijeleri biri-biriniňkä ýakyn. 2015/16 möwsümden Messi özüniň “köne” bäsdeşinden öňe geçip başlady.
Biz futbolistleriň köpüsinde ylalaşygyň bardygyny görýäris: ýa-ha olar az gymmatlylyk bilen köp hereketi amala aşyrýarlar, ýa-da sizde pes ähtimallyk bilen pökgini depýän, ýöne netijä uly täsir edýän oýunçylar bar. Bu Garri Keýn, Mohamed Salah we Kriştianu Ronaldu ýaly hüjümçiler üçin mahsus.
Messi bolsa pökgi bilen bagly hereketleriniň uly mukdary we olaryň ýokary gymmatlylyga eýeligi bilen tapawutlanýar – diýip, barlaga gatnaşan Tom Dekroos belleýär.