Garyşyk başa-baş göreşi beýan edýän «MMA Fighting» portaly 2010-njy ýyldan 2019-njy ýyla çenli döwür boýunça iň gowy göreşijileriň onlugyny düzdi. UFC-niň ýeňil agram boýunça häzirki çempiony, rus göreşijisi Habib Nurmagomedow guramanyň ýarym agram kategoriýasy boýunça häzirki çempiony amerikaly Jon Jonsdan soň ikinji orny eýeledi. UFC-niň iki agramly kategoriýa boýunça öňki çempiony Daniel Kormýe hem üçlügi jemledi.
Dörtden ona çenli orunlary Demetrius Jonson, Konor Makgregor, Žorž Sen-Pýer, Stipe Mioçiç, Genri Sehudo, Kris Saýborg Žustinu we Toni Fergýuson dagy eýelediler.
Ýatlap geçsek, hasabynda 28 sany garyşyk başa-baş göreşde 28 ýeňşi bar bolan 31 ýaşly Nurmagomedow ESPN-iň wersiýasy boýunça onýyllygyň iň gowy göreşijileriniň üçlügine hem girdi.
Habib onýyllygyň iň gowy göreşijileriniň sanawynda ikinji orny eýeledi
- 26.12.2019 05:33
- 6k+
