Meizu 2020-nji ýylda high-end klasynyň dört sany 5G-smartfonuny çykarar

«Meizunyň» baş tehniki müdiri Lýan Dunmin kompaniýanyň bäşinji nesliň mobil toruna eýe bolan (5G) smartfonlary çykarmak boýunça meýilnamasy barada gürrüň berdi.
Onuň aýtmagyna görä, indiki ýyl azyndan dört sany 5G-apparaty görkeziler. Bu modeller high-end klasyndaky gurluşlaryň hataryna degişli bolar, şonuň üçin olar öňdebaryjy elektron böleklerine eýe bolarlar.
Jenap Dunmin «Meizunyň» 5G eýe bolan prototip smartfonlarynyň taýýardygyny belläp geçdi. Ilkinji şeýle apparatyň köpçülikleýin önümçiligi eýýäm indiki çärýekde ýola goýlar.
Internet çeşmeleri kompaniýanyň ilkinji 5G-smartfonunyň «Meizu 17» modeliniň boljakdygy baradaky pikiri öňe sürýärler. Bu smartfonda takt ýygylygy 2,84 GGS çenli bolan sekiz sany hasaplaýjy Kryo 585 ýaderini birikdirýän Qualcomm Snadragon 865 prosessory we grafiki tizlendiriji Adreno 650 bolar diýip hasaplaýarlar. 5G öýjük aragatnaşygynyň ygtyýarlylygyna goşmaça Snapdragon X55 modemi jogap berer.
Aýdyşlaryna görä, Meizu 17 apparaty korpusyň gapdal bölegine tarap egrelýän displeýe, şeýle-de daktiloskopik ekran skanerine eýe bolup biler. Üç sany arka kameranyň boljakdygy aýdylýar. Onuň esasy bölegi 64-megapiksellik Samsung datçigi bolar.
«Meizu 17-niň» resmi bildirişiniň bolmagyna geljek ýylyň ýazynda garaşylýar. Şeýle ýagdaýda smartfon eýýäm martda görkezilip bilner.