Huawei kompaniýasy dünýäde grafen akkumulýatorly ilkinji smartfon adyny almagy göz öňünde tutýar. Ol hem Huawei P40 “maşgala” flagmany bolar. Şeýle maglumat Huawei kompaniýasynyň fransuz bölümçesiniň Twitter-akkauntynda ýüze çykdy. Post şeýle belleýär:
“Huawei grafen batareýli flagman telefony hödürleýji ilkinji kompaniýa bolar. Huawei-niň indiki flagman smartfony, ýagny surata düşürmeklige niýetlenilen P40 indiki nesliň grafen batareýi bilen ýola goýlar”.
Kompaniýa şeýle batareýiň 0-dan 100%-e çenli bary-ýogy 45 minutda zarýadlanjakdygyna söz berýär. Mümkin, bu P40 maşgalasyndan diňe bir model bolar – ähtimal, uly Huawei P40 Pro.
Dogrusy, bu wakada Huawei France-iň neşirden soň bu posty göni pozmagy bilen bagly fakt ikirjeňlendirýär. Elbetde, žurnalistler ony alyp galyp ýetişdiler, ýöne bu informasiýa heniz sorag astynda.
Ýatlap geçsek, Huawei P40 lineýkasynyň tanyşdyrylyş dabarasy 2020-nji ýylyň martyna meýilleşdirilen.
Huawei P40 grafen akkumulýatorly dünýäde ilkinji smartfon bolup biler
- 24.12.2019 23:24
- 5.3k+
