Sosial torlarda ilkinji türk awtomobiliniň suratlary peýda boldy, diýip Trend agentligi türk habar beriş serişdelerine salgylanyp habar berýär.
Ilkinji türk awtomobiliniň resmi tanyşdyrylyşy 27-nji dekabrda geçiriler.
Türkiýäniň öňki ylym, senagat we tehnologiýalar ministri Faruk Ozlýiniň belleýşi ýaly, ýerli awtomobiliň önümçiliginiň taslamasyna 3 mlrd amerikan dollaryny maýa goýmak meýilleşdirilýär. Ýerli awtomobilleriň bäş dürli nusgasyny taýýarlamak boýunça işler alnyp barylýar. Olaryň biri elektrik hereketlendiriji bilen enjamlaşdyrylar.
Ýatlatsak, 2017-nji ýylyň 2-nji noýabrynda Türkiýäniň Prezidenti Ärdogan ýerli awtomobili döretmäge gatnaşjak kompaniýalaryň adyny aýtdy. Olar Anadolu Grubu, BMC, Kıraça Holding, Türkcell we Zorlu Holding.
Prezident ýerli awtomobiliň döredilmeginiň ykdysadyýeti güýçlendirjekdigini nygtady. Şeýle hem ol Türkiýäniň öz awtomobillerini eksporta hem iberjekdigini aýtdy.
Sosial torlarda ilkinji türk awtomobiliniň suratlary peýda boldy
- 23.12.2019 23:26
- 5.9k+
