Alymlar iň zyýanly iýmiti anykladylar

Bu iýmit — et. Bu netije ilkinji gezek ýüze çykarylanok. Muňa garamazdan, bu gezek alymlar onuň diňe bir adam organizmine däl, eýsem, daşky gurşawa hem täsirini nazara aldylar. Oksward uniwersitetiniň we Minnesota uniwersitetiniň alymlar topary öz alan netijelerini ONAS neşirinde çap etdiler. Birnäçe ýyllaryň dowamynda olar önümleriň adam organizmine we daşky gurşawa täsirini öwrendiler.
Haýsy önümleriň has zyýanlydygyna düşünmek üçin alymlar AREI indeksinden peýdalandylar. Bu indeks iýmitiň bir böleginiň tebigata nähili gymmata düşýändigini hasaplamaga mümkinçilik berýär. Bug gazlarynyň zyňylmasy, önümçilik üçin toprakdan peýdalanylyşy, suwuň sarp edilişi, daşky gurşawyň hapalanylyşy we ş.m. nazara alnypdyr.
Täsin netije alyndy: önüm saglyk üçin näçe peýdaly bolsa, onuň önümçiligi şonça-da daşky gurşaw üçin az zyýanlydyr. Däneli ösümlikler, miweler, gök-bakja önümler, maňyzlar we zeýtun ýagy bir porsiýasy üçin AREI-niň indeksinden 4 baldan az gaznadylar. Balygyň indeksi 14-e ýetdi. Gaýtadan işlenilmedik gyzyl et bolsa antiliderlige çykdy — 73 bal aldy (gaýtadan işlenilen et – 37 bal).
Bu iş ylmy dünýäde güýçli sarsgy döretdi. Alymlaryň alan netijeleri, käbirlerinden düşnüksizlikler ýüze çykardy. Muňa garamazdan, hiç kim gyzyl etden düýbünden ýüz öwürmegä çagyrmaýar. Lukmanlar diňe onuň kabul edilmegini çäklendirmegi, hepdede bir porsiýa bilen oňmagy, şeýle hem mümkin boldugyndan et önümlerinden — kolbasadan, büzmeçelerde, bekondan we ş.m.-den saklanmagy maslahat berýärler.