Mikel Arteta «Arsenalyň» baş tälimçisi bellenildi

Ispaniýaly Mikel Arteta «Arsenal» futbol klubynyň täze baş tälimçisi bellenildi. Bu barada klubyň metbugat gullugy habar berýär. 37 ýaşly hünärmen bilen ylalaşyk 3,5 ýyla niýetlenilendir.
Londonlylaryň mundan öňki tälimçisi Unai Emeri toparyň görkezijileriniň ýaramazlygy sebäpli 29-njy noýabrda wezipeden boşadylypdy. Arteta çenli baş tälimçiniň wezipesini şwesiýaly Fredrik Ýungberg ýerine ýetirdi. Häzirki wagtda «Arsenal» Angliýanyň çempionatynda 10-njy ýerde barýar. Onuň 17 oýunda 22 utugy bar. Şeýle hem klub Iňlis klublarynyň ligasyndan gaýtdy we Ýewropa ligasynyň pleý-off tapgyryna çykdy.
Arteta «Arsenalyň» düzüminde 2011-nji ýylyň tomsundan 2016-njy ýylyň tomsuna çenli çykyş edip, iki gezek Angliýanyň kubogyny (2014, 2015) almagy başardy. Ol toparyň düzüminde 150 oýun geçirip, 16 gol we 8 ýardam pasyny etdi. 2016-njy ýyldan bäri Arteta «Mançester Sitiniň» tälimçiler şrabynda Hosep Gwardiolanyň kömekçisi bolup işledi.