Telefon programmalaryny bahalandyrma bilen meşgullanýan «App Annie» kompaniýasy geçen onýyllygyň jemini jemledi. Onuň netijesinde «Facebook» dünýäde iň köp ýüklenilýän programma bolup çykdy.
«WhatsApp» dünýäde ýükläp alynma möçberi bilen liderleriň üçlügine goşuldy. Şeýle-de, global reýtingiň onlugyna «Skype», «TikTok», «UC Browser», «YouTube» we «Twitter» girdi.
«App Annie» ulanyjylaryň puly has köp sarp eden programmalaryny tertipleşdirmek üçin aýratyn sanaw düzdi. Birinji ýerde dünýä boýunça «Netflix» programmasy ýerleşdi. Harçlama boýunça ikinji ýerde – «Tinder deýting» programmasy, üçünji ýerde – «Pandora Music» saz serwisi.
Telefon oýunlary barada gürrüň edilende, bu ýerde iň köp ýüklenip alynýan programma «Subway Surfers» boldy. «App Annie-de» anyklanylyşyna görä, bu oýun özüniň meşhurlygynyň köp bölegi üçin Hindistana minnetdar bolmaly, çünki ýükläp alma hasabynyň 15%-i şol ýerden geldi. Ýükläp alma boýunça liderleriň üçlügine «Candy Crush Saga» we «Temple Run 2» hem girdi.
Ulanyjylardan has köp puly «Clash of Clans» strategiýasy gazandy. Şeýle-de, çykdajynyň köp bölegi «Monster Strike» we «Candy Crush Saga» oýunlaryna gitdi.
Soňky 10 ýylyň içinde iň köp ýüklenilen programmalar
- 19.12.2019 23:52
- 7.5k+
