21-nji dekabrda Riko Werhowen we Badr Hari rewanşy bolar

21-nji dekabrda «GLORY-nyň» agyr agramdaky çempiony Riko Werhowen (55-10) ýaryşyň çäklerinde Niderlandlaryň Arneým şäherinde kikboksingiň ady rowaýata öwrülen türgeni Badr Harri (106-13) bilen rewanş duşuşygyny geçirer.
Werhowen bilen Hariniň birinji duşuşygy 2016-njy ýylyň dekabrynda «GLORY 36» ýaryşynyň çäklerinde geçirilipdi. Şol gezek Werhowen ikinji raundda tehniki nokaut bilen ýaňiş gazanypdy. Çünki Hari elini ýaralap, göreşi dowam edip bilmändi.
Riko Werhowen — agyr agramdaky kategoriýadan bolan golland kikboksýory. Professional derejede 2004-nji ýyldan bäri çykyş edip gelýär. К-1,SUPERК0МВАТ, It's Showtime, Glory ýaly ýaryşlara gatnaşyp meşhurlyk gazandy. 2014-nji ýylyň aprelinde Werhowen professional boksda bir göreş geçirip, wengriýaly boksýor Ýanoş Finferi nokauta gidiripdi. 2015-nji ýylyň oktýabrynda Werhowen Rumyniýada MMA-da çykyş edip başlady we garşydaşyny birinji raundda tehniki nokauta gidirdi. Häzir ol agyr agram derejede Glory-nyň hereket edýän çempiony adyna eýe.
Badr Hari — marokkan gelip çykyşly professional golland kikboksýory. Agyr agram derejede çykyş edýär. Hari К-1 World Grand Prix-iň (2008, 2009) iki gezek final tapgyryna çykdy we iki gezek It's Showtime (2009,2010) wersiýasy boýunça agyr agramda çempion boldy.