KIA kompaniýasy Günorta Koreýanyň patent gullugynda (KIPRIS) wagtyň geçmegi bilen awtoöndürijiniň häzirki emblemasyny çalşyrjak täze firma logotipini bellige aldyrdy.
Autonews.ru portalynyň ýazmagyna görä, täze emblema gara ýa-da ak reňkler bilen ýerine ýetiriljek harplaryň birikmesini öz içine alýar. Meňzeş stilistikaly şeýle nyşany kompaniýa şu ýylyň mart aýynda Ženewa awtosalonynda görkezilen we Günorta Koreýa markalarynyň geljekki modelleri barada düşünje bermeklige niýetlenilen Imagined by Kia elektrik konsept-karynda ulanypdy. Şular ýaly beýdjiň KIA-nyň geljekde gibrid ýa-da elektrik kuwwatly gurluşly “ýaşyl” modellerine eýe boljakdygy hem ikuçsuzdyr.
2019-njy ýylyň jemi boýunça KIA Motors kompaniýasy tutuş dünýä boýunça 248,9 müň ýeňil awtomobilleri, krossowerleri, ýoldan daşary niýetlenilenleri we ýeňil KIA söwda tehnikalaryny satdy. Eksport satuwy 1,1 %-e çenli artdy we 200,3 müň ulaga ýetdi. Koreýanyň içki bazarynda 48,6 müň awtomobil satylyp, bu netijä täze Seltos ykjam krossoweri agramly goşant goşdy. Aýyň ahyry eýýäm şu ýylyň dekabrynda satuwa çykaryljak biznes-klass K5 sedanynyň täze nesli üçin edilen sargytlar tapgyrynyň başlamagy bilen dabaralandy.
KIA-nyň dünýäde iň meşhur modeli Sportage krossoweri bolmagynda galýar, 2019-njy ýylyň noýabrynda onuň satuwy 40,5 müň awtomobile ýetdi. Onuň yzyndan Rio we Cerato (Forte, K3) sedany gelýär.
«KIA» täze firma logotipini bellige aldyrdy
- 15.12.2019 23:53
- 3k+
