China Electronics korporasiýasynyň habar bermegine görä, China Standard Software (CS2C) we Tianjin Kylin Information (TKC) kompaniýalary bilelikde ýerli operasion ulgamy dörederler.
Hytaýa hökmany suratda özüniň «bir tehniki we ekologik ulgamly» hususy, garaşsyz operasion ulgamyny işläp düzmegiň gerekdigi baradaky pikiri öň China National Software and Service kompaniýasynyň maliýa müdiri aýdypdy.
CS2C tarapyndan işlenilip düzülen NeoKylin Linux operasion ulgamy, TKC tarapyndan işlenilip düzülen Kylin serwer operasion ulgamy Hytaýyň bazarynda esasy döwlet operasion ulgamlary hasaplanylýar. NeoKylin Linux operasion ulgamy esasy apparat platformalaryny doly derejede göterýär – 4000-den gowrak programma we apparat önümler bilen baglylykda, serwerlerden PK çenli.
Serwer operasion ulgamynyň işlenip düzülişinden 10 ýyldan hem köpräk wagtyň içinde Kylin kompaniýasy üç liniýany esaslandyrdy: serwer, stol üsti we içinden düzülýän hem-de “bulutly” hasaplamalar we göwrümli maglumatlar üçin ulanylýan sistemalar üçin ýene bir warianty. Ulgamda ýüzlerçe patentler tarapyndan goralýan işläp taýýarlamalar peýdalanylýar.
Häzirki wagtda CS2C we TKC önümi maliýa, energetika, ulag, saglygy goraýyş we beýleki pudaklaryň gurşawyndaky kärhanalarda ulanylýar.
Hytaý ýerli operasion ulgamyny döreder
- 15.12.2019 22:53
- 2.1k+
