Günorta Koreýada täze intellektual kontaktly linzalary işläp taýýarladylar

Günorta koreý alymlary robotlaşdyrylan kontakly linzalary döretdiler, diýip «Yonhap» informasion agentligi ýazýar. Habar berilmegine görä, olarda tegelek ýarym dury antenna we superkondensator oturdylan, olar gözüň reňkli ýorkasynyň çäginden daşda ýerleşdirilen.
Hakykatda linza silikon elastomeriniň iki sany dury gatlagyndan durýar, olaryň arasynda ähli zerur elektronika ýerleşdirilen: yşyk diody, zarýadlama üçin antennaly iýmitlendiriji superkondensator, şeýle-de tok geçirijisi. Hut superkondensatorlar elektrik gurluşyny çalt zarýadlamaga ýa-da zerur bolan halatynda zarýadsyzlandyrmaga mümkinçilik berýär we olar tehniki häsiýetleriniň içki batareýi ulanmagyna mümkinçilik bermeýän miniatýur gurluşlaryň esasyny düzýän bölegi hasaplanylýar.
Işläp düzüjileriň maglumatlaryna görä, intellektual ulgam bu linzany ulanyjylaryň gözýaş suwuklygynyň düzümini seljerýär we şeýle ýagdaýda onuň saglygyna gözegçilik edýär – ol şol bir hatarda keselleriň bardygyny görkezýän dürli biomarkerleri kesgitlemäge ukyply.
Mundan başga-da, bu linzany döredijiler ony goşmaça reallygy döredýän futuristik gajetler diýip atlandyrýarlar. Olar simsiz birikmäniň esasynda kabul edýän elektrigiň esasynda işleýärler, olary daşky iýmit beriji çeşmä birikdirmek hökman däl. Inženerleriň bellemegine görä, zarýadlama wagtynda linzalar gyzmaýarlar.