Apple indiki ýyl 7 sany täze iPhone smartfonuny hödürlär

Apple Samsung-yň we hytaý kärdeşleriniň ýoly bilen gitmek we ýylyň-ýylyna has köp täze smarfonlary çykarmak kararyna gelen bolsa gerek. Has dogrusy, 2020-nji ýylda ýedi sany täze iPhone-a garaşýan analitikler şeýle hasaplaýarlar.
Ýatlap geçsek, ýaňy-ýakynda belli analitik Ming-Çi Kuo bäş sany model barada gürrüň edipdi, häzir bolsa Rosenblatt derňew kompaniýasy ýedi sany smartfon diýip çaklaýar.
Birinji, garaşylyşy ýaly, iPhone SE 2 bolar (ýa-da aýdyşlaryna görä, iPhone 9). Ol 5,1-dýuýmly displeýa, bir kamera we A13 täze prosessora eýe bolmaly.
Güýzde bolsa analitikler iPhone 12-niň alty wersiýasyna garaşýarlar, ilkinji nobatda hem bäşinji nesliň toruna eýe bolmagynyň kömegi bilen. Bu:
iPhone 12 4G, 6,1 dýuýmly ŽK-ekranly we yz tarapynda iki kameraly
iPhone 12 Pro 4G, 5,4 dýuýmly OLED ekranly we yz tarapda iki kameraly
iPhone 12 Pro 5G, 5,4 dýuýmly OLED displeýli we yz tarapda iki kameraly
iPhone 12 Pro Plus 4G, 6,1 dýuýmly OLED displeýli we Time-of-Flight 3D datçikli yza tarapynda üç kameraly
iPhone 12 Pro Plus 5G, 6,1 dýuýmly OLED ekranly, ToF datçikli we üç kameraly
iPhone 12 Pro Max 5G, 6,1 dýuýmly OLED panelli, ToF-ly we üç sany esasy kameraly Dogrusy, Rosenblatt analitikleri iPhone SE 2-niň şowly bolmagyna garaşmaýarlar, sebäbi olaryň pikiriçe ol iPhone 11-e öz ornuny berýär.