Tesla dünýäde elektromobilleri öndürijileriň arasynda birinji orna çykdy

Tesla umumy satuwy bilen, hatda gibrid awtomobilleriň satuw hasabaty bilen BYD hytaý kompaniýasyndan öňe geçip, dünýäde elektrik awtomobilleri öndüriji iň iri kärhana boldy.
Amerikan kompaniýasyna soňky ýyllarda üç sany modeli – Model S, Model X, Model 3 hödürlemek bilen elektromobilleriň çykarylyş derejesini düýpli ösdürmek başartdy.
Bu iki kompaniýanyň arasynda mydama göze görünmeýän bäsdeşlik bardy. Amerikan milliarderi Uorren Baffetiň (Warren Buffet) BYD kompaniýasynyň ösüşine maýa goýandygy belli bolandan soň, Ilon Maskdan hytaý awtoöndürijisi barada nähili pikir edýändigi hakynda soralýar, şonda Tesla-nyň baş direktory diňe gülmek bilen jogap berýär.
Maglumatlar boýunça ekspert Kewin Ruk Tesla-nyň we BYD-niň soňky ýyllardaky umumy satuwynyň grafigini düzýär. Bir zady belläp geçmeli, BYD-niň satuwynyň umumy göwrümi Tesla-nyň diňe elektromobil öndürýän wagtynda awtomobilleriň hem elektrik batareýden iýmitlenmek, hem-de zarýadlanan gibridli güýçli gurluşly (PHEV) görnüşde durmuşa geçirilmegini öz içine alýar.
Rukuň maglumatlary boýunça, 2019-njy ýylyň oktýabryndaky ýagdaý boýunça Tesla bazara 807 954 sany elektromobili çykardy, BYD bolsa şol wagt 787 150 awtomobili çykarypdy.
Ekspert soňky bäş ýylyň içinde BYD kompaniýasynyň elektromobilleri durmuşa geçirmekdäki fonunda gibridleriň satuwynyň peselýändigini belledi. Hytaý kompaniýasy elektrik ýük ulaglaryny we awtobuslaryny hem öndürýär, hem-de öz elektromobilleri üçin akkumulýator batareýlerini çykarýar.