Nikola kompaniýasy ýewropa bazaryna niýetlenilen elektrik ýük ulagyny hödürledi

Elektrik ýük ulagy Nikola Tre ýewropa bazarynda 2021-nji ýylda peýda bolar, wodorodly wersiýasyna bolsa2023-nji ýyla çenli garaşmaly bolar.
Nikola amerikan firmasy bilen Iveco italýan awtomobil gurluşyk kompaniýasynyň hyzmatdaşlygy baradaky habardan üç aýdan soň, olar özleriniň Ýewropa üçin bilelikde işläp düzen ilkinji akkumulýator elektromobilini – tirkeg çekiji Nikola Tre hödürlediler. Tanyşdyrylyş dabarasy wagtynda hyzmatdaşlar bu elektromobiliň maketini görkezdiler, elektrik ýük ulagynyň resmi dabarasy indiki ýylyň sentýabrynda Gannowerdäki «IAA 20202 sergisinde geçiriler.
Adybir konseptiň geçen ýylky hödürlenilmesinden tapawutlylykda, amerikan-italýan ýük ulagy geçen ýylyň iýulynda Madridde görkezilen Iveco S-Way agyr ýük ulagynyň esasynda gurnaldy. Dizaýnyň üstünde Italdesign hünärmenleri işlediler. Daşky görnüşi boýunça ýük ulaglary hakykatda birmeňzeş. Tapawutly taraplary – radiator germewinde ýagtylanýan N logotipi we wertikal yşyk diodly zolaklaryň öňdäki yşyk faralary bilen wizual görnüşde birleşdirilen goşmaça dumana garşy durýan faralary bar.
Täze tirkeg çekiji Nikola elektrik tehnologiýasy bilen we klimat-gözegçiligini, aýnalaryň regulirlenmegini, podweskanyň beýikligini sazlaýjyny, 360 gradus kamera sistemasyny, nawigasiýany, audiosistemany, awtomobil sazlaşygyny we administratoryň awtomobil diagnostikasyny öz içine alýan, täze nesliň patentlenen informasion-güýmenje sistemasy bilen üpjün edildi.
Nikola Tre 4x2 ýükleri yzygiderli daşamak üçin niýetlenilen. Ýük ulagynyň kuwwatlylygy 653 at güýji (1800 Nm) bolan elektrik güýçli gurluş we müşderiniň talaplaryna uýgunlaşyp biljek sygymy 720 kWt/sag bolan akkumulýator blogy bilen üsti ýetirildi. Bellenilen ätiýaçlyk ýoly – 400 km çenli. Ýük ulagy iki we üç wersiýada hem-de şäher we sebitara ýük daşamak üçin 18-den 26 tonna çenli massaly (GVW) wersiýada elýeterli bolar.