Almanyň bu sortuny öndürmek üçin seçgiçilere 22 ýyl gerek boldy.
1-nji dekabrda ABŞ-nyň dükanlarynda holodilnikde zaýalanman bir ýyla çenli saklanyp bilinýän «Cosmic Crisp» almalary satylyp başlandy. Bu barada “Bi-bi-si” habar berýär.
Waşington uniwersitetiniň seçgiçileri almanyň bu hiliniň üstünde 1997-nji ýylda işläp başladylar. Ol Honeycrisp we Enterprise hilleriniň gibridi boldy.
«Cosmic Crisp-i» önümçilige goýbermek üçin $10 million sarp edildi. Jemi 12 million bag oturdyldy.
“Bu ultragütürdeýän we degişlilikde gaty alma, onda süýji-turşumtyk tagam deňagramlylykda saklanýar, şeýle-de ol örän suwly” – diýip, Waşington uniwersitetinde almalary ösdürip ýetişdirmek boýunça programmany dörediji Keýt Ewans belleýär.
Barlag geçiriji täze almalaryň ýumşak etiniň ýuwaş-ýuwaşdan goňur görnüşe geçýändigini, miweleriň bolsa “holodilnikde 10-12 aý goýaňda hem ýeňillik bilen ýokary hilini saklaýandygyny” belledi.
Cosmic Crisp instagramynda almanyň bu hiliniň aýratyn teksturasynyň we häsiýetleriniň taýýarlanan wagtynda has hem peýdaly boljakdygy barada aýdylýar.
Häzirki wagtda bu almalary diňe Waşington ştatynyň fermerlerine ösdürip ýetişdirmäge rugsat berildi, olar 10 ýyla eksklýuziw ygtyýarnama aldylar. ABŞ-da almalar – bananlardan soň iň meşhur miwe.
ABŞ-da tutuş ýylyň dowamynda durkuny üýtgetmeýän almalar satylyp başlandy
- 02.12.2019 23:59
- 2.8k+
