2019-njy ýylyň iň gowy kamerafonlary belli edildi

Täze ýyla bir aý wagtyň galandygyna garamazdan, DxOMark eýýäm 2019-njy ýylyň jemini jemläp başlady. Bu ýylda hünärmenler býujetli enjamlardan başlap flagmanlara çenli 31 kamerany testleşdirdiler, indi bolsa iň gowy kamerafonlary atlandyrýarlar.
Huawei Mate 30 Pro we Xiaomi CC9 Pro Premium Edition reýtingiň lideri boldy. Olaryň hersiniň 121 baly bar. Olar birinji orny bile paýlaşdylar we ikisi hem foto we wideo boýunça ýokary derejeli netijeleri görkezýärler.
Muňa garamazdan, olaryň arasynda tapawut hem bar: Huawei Mate 30 Pro foto has gowy düşürýär, Xiaomi CC9 Pro bolsa zum bilen wideo düşürmekden oňat baş çykarýar.
Ondan soň birmeňzeş bal bilen Apple iPhone 11 Pro Max we Samsung Galaxy Note 10+5G gelýär, bäşinji orunda bolsa Samsung Galaxy S10 5G.
Şeýle-de, DxOMark kategoriýalar boýunça ýeňijileri hem belli etdi:
Wideo düşürmek üçin iň gowy kamera – Apple iPhone 11 Pro Max.
Iň gowy zum - Xiaomi CC9 Pro Premium Edition
Iň gowy giňburçly kamera - Samsung Galaxy Note 10+5G
Iň gowy gijeki režim – Huawei Mate 30 Pro
Mundan başga-da, bu ýylda DxOMark öň ýüzdäki kameralary hem testleşdirip başlady, şonuň üçin olaryň hem aýratyn reýtingi bar.
Bu ýerde lider üýtgeýär - Samsung Galaxy Note 10+5G, onuň iň ýokary — 99 baly bar. Bu bolsa selfi düşürmegiň dürli görnüşleri üçin iň gowy saýlaw. Şeýle-de, birinji bäşlikde Asus ZenFone 6, Samsung Galaxy S10 5G, Samsung Galaxy S10+ we Huawei Mate 30 Pro hem bar.