2025-nji ýyla çenli 5G ulgamyny ulanyjylaryň sany 2,6 mlrd adamdan geçer

Ericsson kompaniýasy 5G ulgamynda liderleriň biri hasaplanylýar. Telekommunikasion enjamlary öndürijiniň arsenalynda bäşinji nesliň aragatnaşyk toruny dünýäniň dürli sebitlerine ýaýratmak boýunça eýýäm 75 sany söwda şertnamalary bar. Kompaniýanyň analitikleri geljek 5 ýylyň içinde 5G ulgamyny ulanyjylaryň mukdarynyň 5G ekosistemasynyň ösüş çaltlygy we ösüş depgini bilen gönüden-göni bagly boljakdygy baradaky maglumaty neşir etdiler. Kompaniýa 2025-nji ýyla çenli dünýäniň ähli ýeri boýunça 2,6 mlrd-dan gowrak adam 5G mümkinçiligini peýdalanar diýip hasaplaýar.
Ericsson maglumatynda 2025-nji ýylyň ahyryna çenli bir smartfon tarapyndan sarp edilýän trafikanyň aýda ortaça göwrümi häzirki 7,2 Gbaýt-dan 24 Gbaýta çenli öser. Ilkinji nobatda, şeýle ösüş VR-kontentiň ýaýrawynyň artmagy bilen şertlendirilen. Analizçiler 2025-nji ýyla çenli 5G biziň planetamyzyň 65% ilatyny gurşap alar diýip hasaplaýarlar. Mundan başga-da, dünýä boýunça 45% mobil trafikleri hem 5G-tory arkaly öndüriler.
2019-njy ýylyň aprelinde Günorta Koreýada 5G söwda torunyň işe girizilen pursatyndan başlap ulanyjy bazalarynyň çalt ösüşine gözegçilik edilýär we häzirki wagtda ol 3 mln adam diýlip hasaplanylýar. 5G-torunyň kommersializasiýa prosesiniň ýuwaş-ýuwaşdan Hytaýda başlanmagy bilen, Ericsson şeýle çaklamany öňe sürýär, şu ýylyň ahyryna çenli 5G ulgamyny ulanyjylaryň sany 13 mln adama barabar bolar.
Analitikler 5G ulgamynyň ulanyjy bazasynyň LTE bilen deňeşdirilende has çalt ösýändigini belleýärler. 5G torunyň has çalt ýaýrawynyň Demirgazyk Amerikada bolmagyna garaşylýar, bu ýerde 2025-nji ýylyň ahyryna çenli mobil gurluşlaryny ulanyjylaryň 74%-i 5G-tory arkaly biriger. Demirgazyk-Gündogar Aziýada 2025-nji ýylyň ahyryna çenli 5G mümkinçiligini 56% ulanyjy peýdalanar, Ýewropada – 55%.